Perseveransia i e liña di tempu den bo bida

Tur hende sa ku perseveransia ta un kualidat nesesario pa eksito, pero praktik’e no ta dje fasil. Ora bo ta opservá e realisashonnan den mundo (invento, viktora den deporte, den negoshi, den medisina i sensia) lo bo haña hende ku a perseverá i a logra nan ophetivo. E perseveransia aki generalmente a wòrdu marká pa desenkeuntro, frakaso i opstakulo, pero el a superá e opstakulonan.

Nos ta biba den un liña di tempu: e tempu ta pasa (e dianan, simannan, e lunanan i e añanan). Tempu ta pasa, independentemente di loke bo ta pensa of hasi. Dikon no probechá e tempu pa bo esforsá ya asina bo por logra bo ophetivonan? Perseveransia ta un kuestion di inteligensia. Bo ta pasa den lucha semper, sea bo ta perseverá òf desistí. Lo bo tin un oportunidat mas grandi den algu kaminda bo esforso ta bal. Dikon desistí?

Sigui Dios i perseverá den fe ta algu difisil, bèrdat? Hesus a bisa: “Ma esun ku perseverá te na final lo ta salbá!” Mateo 24:13 I ku: “Perseverá i boso lo salba boso alma.” Lukas 21:19

Perseveransia tin un relashon ku salbashon i vise versa. Ora e persona desistí den fe ta pasó el a trompeká i a desanimá, i e ta sinti berguensa. Na e momentu ei ta nesesario un esfuerso pa lanta i sigui den fe, pero e persona no a hasi un esfuerso, paso el a kere ku esei lo tabata demasiado. P’esei el a kambia e karga fofo di Hesus pa e karga di diabel. Nos tur ta mará na tempu, i pa kousa di dje, nos mester pone mas forsa. Usa bo inteligensia: si bo mester perseverá, ya sea pa bon òf malu, dikon no skohe loke ta bal i ku lo trese resultado ku bo ta deseá?

 

LEAVE A REPLY

Please enter your comment!
Please enter your name here