Pas ta algu ku tur hende ke, pero no tur hende, di bèrdat, ta busk’é. Ta importante sa ku pas no ta djis akontesé di un forma outomátiko den e bida di e ser humano. E no ta relashoná ku biahenan, momentunan i atkisishonnan material. (Manera mundu ta siña)
“Loke nan tin ta un sensashon di felisidat, pa kousa di e ambiente den kual nan ta. Ta kurioso pasó e mes naturalesa ta transmití pas. P’esei e persona ta purba tin kontakto ku e naturalesa, pa asina sinti un tiki di e pas ei. Mare nan ta sa ku ta mas inteligente buska e Kreadó di e naturalesa, ku ta e Prinsipe di Pas, asina sigur nan lo tin e mesun pas ku naturalesa tin.” Bispu Renato Cardoso ta komentá, na e programashon “Inteligensia i fe”.
Kon pa haña e pas berdadero?
Ta bon pa remarká ku, riba e mundu aki, pas no kemen e ousensia di guera. Pero, e pas ki ta bini di Dios ta habitá den nos interior. Den e momentunan difisil, nos no ta keda desesperá. Aunke rondó di nos opstakulonan yega, den di nos nos tin pas.
Lesa aki abou e 3 bèrdatnan tokante pas papiá pa Bispu Renato:
1. “E rason dikon e personanan no tin pas ku nan mes ni ku nan próhimo ta pasó nan no tin pas ku Dios. Kemen, tin un konflikto entre nan i Dios.” Bispu a aklará, mustrando mediante e buki di Romanonan, kapitulo 5, ku e hustifikashon mediante e fe ta trese nos pas ku Dios. Esaki ta un fe ku ta hiba nos pa nos arepentí di nos pika, asina nos ta konfesá nos piká i nos ta bandon’é. E persona ta kambia di aktitut pasó e ta kere den e sakrifisio di Señor Hesus pa pordón di piká.
2. “Di e pas aki ku bo ta optené di Dios e pas interior ta bini. Bo ta logra pordoná bo mes, pasó Dios a pordoná bu. Bo ta logra wak dilanti i laga bo pasado atras. Bo ta logra ta komprensibel ku bo erornan, paso maske bo a wòrdu pordoná i bo a bandoná e piká, bo ta sigui ta humano. Nos tur ta bringa kontra un naturalesa malu, kontrali na esun di Dios, ademas di esei, e persona ta kuminsa deseá ta huntu ku e Altísimo tur momentu, pa asina e no kai den e erornan di su pasado.”
3. “Si mi ta den pas ku Dios i ku mi mes, kon ta posibel ku mi no ta bai ta den pas ku mi próhimo? Ta klaro ku e pas ku e próhimo no ta depende solamente di nos. Si nos próhimo ke guera, kiko nos por hasi? E máksimo ku mi por hasi ta: no bringa ku n’é, no hinka mas palu den e kandela. Den loke ta depende den mi, lo mi buska e pas ku tur hende.” Bispu Renato a konkluí.
Den resumen, e promé stèp ta yega mas serka di Dios. P’esei, partisipá di un enkuentro na un di nos Iglesianan Universal mas serka di bo (Wak nos adrès i nos agenda riba nos website). Hasi un orashon sinsero i rekonsiliá ku n’É. No pèrdè e oportunidat aki.
