For di chikitu nos ta tende ku aparensia ta importante, for di promé bista mester duna un bon impreshon, un hende muhé mester ta bunita, mester ta atraktivo, mester manehá tur kos i un lista interminabel di “bo mester”

Nan a kria nos meimei di asina tantu eksigensia ku nos ta kaba na hasi di nos “tripa nos kurason”, un refran bieu ku ta nifiká un sakrifisio fuera di humanidat pa kumpli ku tur nos ròlnan.

Kada aña, e peso ta oumentá so, e muhé ta tuma mas poder, mas sklabitut será. Mester ta mas fuerte, mas, aktivo, mas independiente, mas elegante, mas kontroladó, mihó informá…

Ke men, e lucha pa e bon aparensia, ni papia.

Solamente ku esaki ta un guera pèrdí, paso físikamente nos lo no bira mas bunita kada dia. Esaki ta un atvertensia engañoso.

Ku tempu nos kurpa ta deteriorá. No tin vitamina, ehersisio, plèstik laser òf krema ku por evitá ku e kueru ta ploi i ku e órganonan ta bira bieu.

Sin embargo, si e bon aparensia tabata primordial, dikon a deskribí Señor Hesus den Beibel komo un hende ku no tabata yama atenshon ku Su donnan físiko?

Ta para skirbí:

E no tabatin ni forma ni mahestat, pa nos lo a wak na djE, ni bunitesa, pa nos lo a dese’E.

Isaías 53:2

 

E hòmber mas yená di beyesa i gloria no tabata digno di elogio riba e mundu aki.

Sosial i físikamente, nan tabata wak E komo un persona komun, sin desendensia òf un nasementu noble. Pero, aki tabata e mas grandi i mihó ku tur hende.

Awèl, pakiko bo ta bai keda asina pega den loke Dios no tin komo prioridat?

Pakiko sigui un sistema ku ta kousa tantu doló?

Stòp di hasi sakrifisionan grandi pa kosnan pasahero.

Stòp di duna poder na otro pa nan aprob’é òf desaprob’é!

Stòp di definí bo balor pa e marka di paña ku bo ta bisti, e kas ku bo ta biba aden òf e outo ku bo ta kore!

Stòp di ta disponibel tur ora pa tur kos y tur hende pa mustra ku bo ta bon, kerí òf kompetente!

Stòp, stòp, stòp!

Sali for di e kompetensia inútil i patronchinan kruel ku ta kousa tantu sufrimentu!

Ban tuma un desishon ku ta trese libertat realmente.

LEAVE A REPLY

Please enter your comment!
Please enter your name here