- Den soño Dios ya a primintí Yakòb ku E lo dun’e e tera kaminda e tabata; lo E multipliká su desendensia den tur direkshon; bendishoná tur famianan di mundu pa medio di dje; Mi ta kuné; Mi ta ward’e unda ku e bai; Mi ta lag’e bai kas di su tata bek; i Mi no ta laga bo te ora ku Mi kumpli ku tur esakinan (7 promesa)
“I mira, SEÑOR tabata pará te ariba di e trapi i tabata bisa: “Ami ta SEÑOR, e Dios di bo tata Abraham i e Dios di Isaak; e tera ku bo ta drumí ariba lo Mi duna abo i bo desendientenan. Tambe bo desendientenan lo ta manera e stòf di tera i lo bo plama bai pabou, pariba, panòrt i pasùit; i den bo i den bo desendientenan tur e famianan di mundu lo ta bendishoná. I mira, Mi ta ku bo, i lo Mi wardabo unda ku bo bai, i lo tresebo bèk den e tera aki; pasobra lo Mi no lagabo te ora Mi a kumpli ku loke Mi a primintíbo.”
Génesis 28:13-15
- Pakiko anto Yakòb tabata tin nesesidat di hasi un voto? Dios ya no tabata komprometé ku Su mes Palabranan pa kumpli ku loke El a primintí?
- Di parti di Dios no tabatin nesesidat. Pero di Yakòb, si, implísito den su voto tabata tin e echo ku ainda e no tabatin un relashon di dependensia di Dios.
- Te na e momentu ei, e tabata bou di òrdu di su tata Isaak i su mama Rebeka. Te na e momentu ei e tabata bou di e Dios di su tatanan, p’esei el a hasi e voto pa asumí su fe. El a hasi su kompromiso ku Dios. Dios no tabatin nesesidat di vota, pero di parti Yakòb e mester a komprometé ku e Palabra. Dios a asumí e papel di Tata, El a sòru pa e bida di Yakòb.
Awe nos tin e imágen di miedu i inseguridat riba kara di e hendenan. Pero esnan ku ta para den un liña -aliado ku Dios-no tin miedu.
