Skirbi ta duna kurpa riba pensamentunan i hala na e palabranan tokante un realidat ku ta di nos so. Unabes ku un mente risibí un kurpa, ke men , e palabranan ta skirbí, nan ta bula bai i por yega hopi leu. Si, nan ta haña e poder di bula i penetrá den otro mente- i kurasonnan. Nan ta fruktífero pa e bon i pa e malu, dependiendo di e interior di kada eskritor.

Mi ta gusta lesa i skucha tokante temanan difísil i profundo! Esnan ku normalmente no sa papia di nan. Sin embargo, mi ta apresiá e tekstonan simpel, orashonnan kòrtiku i e lenguahe informal.

Ke men, ora mi ta skirbi, mi no ta kere ku loke mi tin ku bisa sea importante òf kambia e mundu, pero mi ta registrá un tiki di mi persepshonnan, pa komprondé mihó i fortalesé ainda mas mi opinion tokante di bida. (Klaro ku mi ta alegrá mi mes ora ku mi bida mishi ku e bida di otro hende i e kambia di un òf otro manera).

Mayoria di nos no a wòrdu eduká pa un bida super saludabel i e redanan  sosial a yega na kurashá solamente e bida eksterior, komo si fuera ku e interior ya no tabata importante.

Sin embargo, apartá nos bista for di nos mes ta kondusí na e pió ignoransia for di tur sobra. Komprondé tur kos i no bo mes ta kondená bo mes na e pió sufrimentu di mundu.

P’esei ta bale la pena skirbi, inkluso si ta un diario chikitu ku ta na e parti patras di bo kashi. Nos tekstonan no mester ta un obra literario òf trata di un tema speshal..

Ken a bisa ku solamente e “eskritornan” òf e “intelektualnan” i e “figuranan grandi” den Internet por skirbi? Ken a bisa ku e asuntunan trival no ta kondusí na un reflekshon profundo?

Awèl, vense flohera pa pensa i timides pa limpia bo alma!

Trapa e inseguridat i e miedu pa krítika!

Ignorá e doló di rechaso! Paso “feedback” por ta solamente opinion, ademas, sierto krítikanan ta kontribuí mas na nos kresementu ku muchu elogio.

Nos ta ban kuminsá skirbi?

LEAVE A REPLY

Please enter your comment!
Please enter your name here