E hopi batayanan ku nos ta bai wak den e serie Reinan ta representá esnan di nos. E bida ta violento, e no ta eksigí solamente kurashi pa enfrentá nan, pero perseverensia.
E historia di David ta e historia di Israel, ku ta historia di e ser humano. Na e époka ku Dios a skohe Abraham, e patriarka di e nashon akí, El a skohé i a sak’é for di mei mei di e pueblo ku no tabata kere ni preokupá ku NÉ.
Anto, pueblo ku a hasi tur kos kontra di Dios, igual ku e mundu di awe. El a separá Abraham for di tur hende, inkluso di su propio famia, pa e por a kuminsá un pueblo diferente, ku ta duna importansha na su propio konsenshi, separá loke ta bon for di loke ta malu.
I Abraham e generá e nashon di Israel, ku despues a meskla ku e kultura di e egipsionan, alehá asina for di Dios. Bo por rei kiko ta pasa ora bo alehá for di e bon? Asina ta. E pueblo tabata katibu i Dios, den Su mizerikòrdia, a lanta Moises i saka nan for di Egipto, hibando nan bèk pa e teranan ku El a duna Abraham.
I un biaha mas e pueblo a wòrdu kontaminá ku idolatria di e nashonnan bisiña. Dios, pasientemente, a lanta varios hues pa koregí nan, te yega na Saul ku David ku, komo rei, tabata pa nan yuda e pueblo kana den e prinsipionan di djÉ i no bolbe kontaminá ku e nashonnan bisiña.
I pa esaki, bo por rei kiko bo mester tin? Guera, paso e nashonnan bisiña no tabata aseptá ku “e pueblo chikitu akí” (den nan bista), ku no ta sirbi nan diosnan, ta eksistí. Asina manera e mundu, ta odia e kristian. Si, nan ta mira esunnan ku ta obedesé e Palabra komo personanan vierkant i mente chikí.
I esaki ta nos guera di tur dia, no ku arma ni ku violensia, pero ku nos kurason; mantené limpi, sufri e inhustisia i e kalumnianan ku boka será, i resa pa nos enemigunan, manera nos Salbador a siña nos.
Ora bo asistí e serie, awor, komprondé ku e bista akí.
Ta kuestion di sobrebibensia spiritual.
