Tabatin dos ruman bisiña. Kada uni tabata biba na nan propio kunuku, kual tabata wòrdu separá pa un riu. Riba un dia nan a pleita i kada unu a disidí ku nunka mas nan lo mira otro.
Despues di un tempu, un karpinté a bai buska trabou serka un di e rumannan. Rabiá e ruman a bis’é ku e lo konstruí un kura hopi haltu ku por separa e dos terenonan.
Despues di duna e karpinté algun orientashon e kunukero (e ruman) a bai di biahe. Ora el a bini bèk e la mira un brùg. Sin por kompronde kiko tabata pasando e karpinte a kana krusa e brùg huntu kune. Pa su sorpresa su ruman tabata ward’e. Nan a topa otro mei mei di e brùg i nan a rekonsiliá ku otro.
Esaki ta mustra kua ta e dos tipo di persona ku nos por topa na momentu ku un hende heridá òf maltratá nos. Nos por lanta un trank’é haltu, invertí nos tempu den alehá for di e persona, pero nos por traha un brùg tambe na luga di un trank’é haltu. Nos por strèk nos mannan pa esun ku a herida nos i sigui pa dilanti.
Dikon bo mester pordona? Obispu a splika ku e aktitut aki ta importante, pasobra odio ta un “kanser”. Ademas di esei, pa e perspektiva kristian, aunke ku un hende a hasi bu daño, e daño ei no ta mayó ku e pikanan ku nos ta hasi kontra Dios.
Den pasado Hesus a siña pa medio di e parábola di e kriá ku no ke pordoná (Mateo 18:21-35), ku Dios a pordoná nos di un debe inpagabel. Asina ta ku ora nos keda sin pordoná otro nos ta aktuando inhustamente, pasobra nos mes sin meresé a wòrdu pordoná.
“E sentensia di nos debe ta fièrnu, esei ta nos pèrdishon eterno. Ta un morto ku ta separa nos for di Dios, esei ta e salario di e pika. Pero Dios ta pordoná nos, momentu ku nos ta sinsero i nos pordoná. E a tira nos pikanan den e laman di olvido. E la pordoná nos un debe inpagabel.”, Obispu a splika.
Porta bo tin un lista ku tur e nòmbernan ku a hasi bu daño, kada bes bo kurason ta keda mas kargá ku kada nòmber ku bini aserka. Kòrda ku e sintimentunan aki solamente ta pèrhudikando bo. Niun hende no ta hustu dilanti e wowonan di Dios, nos tur ta peká kontra dj’E. Pesei abo i e persona ku a heridá bu ta den e mesun barku.
- Si bo mester di yudansa pa pordoná, risibi awor mes un atendementu pa medio di pastor online.
