Bin serka Mi tur ku ta kansá i kargá, i lo Mi duna boso sosiegu.”
(Mateo 11:28)
Kansá – E ta yama hustamente esnan agotá di tantu intento pòrnada,
molestiá pa tantu keha den di nan mes, esun ku ta sinti’é manipulá pa e
sirkunstansianan i hendenan. Finalmente, esnan ku ta sinti nan mes komo inútil.
Kargá – Hesus ta yama esnan ku tin bèrgwensa di nan propio kondukta, di
su propio inhustisia. Esnan ku ta someté na nan debilidatnan i no tin forsa
pa kambia.
Esakinan ta esnan ku Hesus ta yama! IMPERFEKTO, keriendo loke ta
hustu i berdadero.
Pensa ku mi: Kon bo ta bin serka Dios?
Bo inteligensia, bo posishon den un religion i bo propio apresio lo ta dilanti di
bo ora bo yega dilanti Dios? Si bo tin e kustumber di hasi bochincha ku bo
pensamentunan, awèl ora bo bin serka Hesus, bo no ta yega ku e nesesidat di skuch’E bo ke djis ekspresá bo mes. I einan ta kaminda e palabranan
repetitivo ta drentap (den e orashon), ku no ta ekspresá nada di e realidat ku bo ta biba,
pasó den fondo bo ta duna atenshon na bo enfoke so, na e kosnan ku bo gusta hasi i ku bo ta hasi hopi bon.
Ainda asina, bo ta aserkando Dios manera un hende ‘digno’, sin e nesesidat di un
Salbadó.
Awor bo ta bai komprondé e palabranan di Señor Hesus mihó, ora ku El a bisa ku e no a bin pa e hendenan salú, sino pa esnan ku ta malu.
E forma pa yega na Dios tin diaber ku tur loke bo ta konsentrá riba dje. Si
ta algu eksterno – bo obranan, bo kualidatnan – e ora ei bo no tin
nesesidat di e Salbadó. Pero, si ta algu p’aden, ku ta sosodé den bo, ku ta konserní (trata di) bo alma, e ora ei, e ta bira nesesario. Asina si, bo ta sinti nesesidat di e Salbadó, pasobra ora nos ta focus den e nos íntimo,
pensamentu-, sintimentu-, prioridat i esfuersonan, tempu, kondukta, ets., Dios ta mustra e kantidat di límite i imperfekshonnan ku ta eksistí! I ei bo ta
komprondé e importansia di papia ku Dios. Ekspresá loke bo ta mira den di bo mes ta algu nesesario, i algu ku bo mester hasi.
Den e kondishon aki, bo ta presentá bo mes no komo un hende ku ta salba su mes,
outosufisiente, sino manera un hende ku mester di e Salbadó.
Pues, e kaminda pa Hesus tin hopi sentido. E tin un resultado. E tin
kontesta, no pa un tempu, pero pa bida largu. Paso loke Hesus aliviá ta pa siglo i
siglonan. No ta temporal.
No lubidá: Pa bo por tin alivio di parti di Dios, bo mester bai serka dj’E, i no bo obranan. Ta nesesario pa den tur momento bo konsentrá den bo alma. Buskando E Salbadó.
