E nasimentu di e yu di Dios no ta sosodé mediante intervenshon humano. Ni den iglesianan, ni den doktrina i menos ainda ku konosementu bíbliko por hasi ku un hende nase di Dios. E nasimentu di e Spiritu Santu ta obra eksklusivo di djE. E forma ku e ta traha ta e milager di tur e milagernan, meskos ku den e generashon di Hesus.

Maria a puntra e angel kon Hesus lo wòrdu engendrá, si e no tabata tin niun kontakto ku niun hòmber. E angel a rospondé:

E ora ei e angel a kontest’é: ‘Spiritu Santu lo baha riba bo i poder di Altísimo lo tapa bo manera un sombra. P’esei e yu ku lo bo trese na mundu lo ta santu i nan lo yam’é “Yu di Dios”.
Lukas 1:35

Di e mesun forma ku Hesus a wòrdu engendrá den e barika di Maria, tambe e yunan di Dios ta wòrdu engendrá pa medio di e Spiritu Santu, kemen, E ta rondoná e persona ku Su sombra.

Den e momentu ei, tin hopi yoramentu. Promé, di tristesa, pa e pikánan kometé, ya ku e Spiritu ta konvensé nan di esaki. I, ora e ta sinti su mes kompletamente pèrdí, e persona ta buska Ken por salbé. I, nuevamente, e Spiritu Santu ta señalá p’e e Salbador. Den e instante ei, e persona ta duna su mes pa Señor Hesus ku tur su forsanan, kurason i komprondimentu. E ora ei, e yoramentu di tristesa ta transformá den un goso i alegria imposible di komprondé.

For di e momentu ei, e persona ta haña e Karakter Divino (karakter kompletamente diferente i e frutonan di Spiritu Santu) pa biba un bida nobo.

LEAVE A REPLY

Please enter your comment!
Please enter your name here