Mi tabata puntra mi mes kon warda nos fe te dia ku Señor Hesus bin buska su pueblo.

Dios a mustra mi ku nos mester warda nos kurason. Hopi bia nos ta pone nos soñonan i boluntat dilanti di e plannan ku Dios tin pa nos bida.

“Pero SEÑOR a bisa Samuel: ‘No wak su aparensia ni su estatura altu, pasobra no ta e Mi ke. No ta importá loke hende ta mira, pasobra hende ta wak aparensia, Ami ta wak kurason.”
1 Samuel 16:7

Mirando loke e palabra di Dios ta bisa, Dios no ta wak e aparensha di e persona sino loke ta den kurason di e persona. Tin hende ta preokupá pa loke otro hende ta pensa i mira di nan. No ta malu pa preokupá ku bo aparensha pero e no mester ta e prioridat den bida di e persona. Dios ta wak e kurason di e persona. Nos mester kuida nos kurason pasó e kurason ta gañadó.

Rei Saul tabatin e Spiritu Santu, ku ta e Spiritu di Dios, pero su kurason no tabata di akuerdo ku Dios (dus e tabata hasi su propio boluntat). Un persona ku tin Spiritu Santu ke sirbi Dios. Ta pesei Dios a skohe David, paso e tabatin un kurason sigun e kurason di Dios.

Nos ta bai ofresé Dios un tarea komo ofrenda, kaminda bo ta bai analisá bo kurason pa wak kiko no ta agradá Dios. Buska pa tin un kurashon di Dios. bo por meditá den e historia di David i hasi orashon i pidi Dios mustra kiko falta pa bo por tin e kurason di Dios.

https://www.instagram.com/tv/CNm18GqD-xw/?utm_source=ig_web_copy_link

LEAVE A REPLY

Please enter your comment!
Please enter your name here