Esaki por ta e motibu pa kual bo orashon no ta wòrdu kontestá.
Bo a yega di marka un sita ku un hende i e no a aparesé? A yega di sosedé ku un persona a mira ku bo tabata den porta, pero bo a fingi di no tabata na kas i no a habri p’é? Ta frustante, no ta? Ta un insulto. E indiferensha ta total. Pero, si mi bisa bo ku no solamente bo por ta hasi esaki tur dia, sino ku bo ta hasié ku e propio Dios tambe?
Den Beibel ta bisa asina: “Unda boso a keda ora M’a bin testiguá? Di kon niun hende no a reakshoná riba mi defensa? Akaso boso ta pensa ku Mi n’ tin basta forsa pa reskatá boso, ku mi brasa n’ ta basta largu pa liberá boso? Sinembargo mi menasa so ya ta seka riunan i laman: piská ta muri di sit i putri bai pa falta di awa”. (Isaías 50:2).
Wak Dios su kehonan. Normalmente, nos ta pensa ku ora nos hasi orashon, E mester aparesé. Pero nos no ta pensa ku E tambe ta yama nos. Dios tambe tin pedidonan pa nos. I por ta, bo no ta persibí ora E yama, bo no ta respondé. Dios ta bisa bo: “No hasi esaki. Esaki no ta bon pa bo. Bai, i pidi pordon na esnan ku a Iastima bo. Si bo bai den e kaminda ei, despues ta bai bo malu. E ta yama bo pa hasi orashon i bo no ta hasié. E ta yama bo pa bai iglesia i bo no ta bai. Semper tin un bon èksküs pa no asistí. Pero, asina ta ora ku bo marka un sita ku un persona i e no aparesé, asina ku e persona mira bo konekshon pèrdí i no bin bèk, i bo ta bira tristu, Dios tambe ta sintiÉ asina.
Ora ku akontesé un tragedia, henter mundu ta bisa: “Dikon Dios a permití esaki?” Pero e personanan no ke sa di djÉ. Por ta, ora ku un hende bin na bo kas pa invita bo pa bai iglesia, bo ta kere ta e Pastor ta yama bo, pero tabata Dios. Kuantu biaha bo a inventá un èksküs pa no papia ku Dios? Awor, bo ta kuminsa komprondé e motibu ku bo orashonnan no a wòrdu respondé. Dios nunka ta laga nos bandoná. Mi ta puntra bo: si bo no gusta pa hende hasi esaki ku bo, pakiko bo ta hasié ku Dios?
