Dianan atrás, ku mi a tuma e bakuna, mi a pasa pa varios reakshonnan desagradabel. Entre nan, un sensashon di batimentu di kurason i aretmia. Hasta ora mi tabata sosega, mi kurason tabata bati asina duru komo sifuera ku mi tabata kore un maraton. Ounke nunka mi tabatin eksperensia di maraton, pero mi ta kere ku ta algu paresí.
Tabata dianan di doló, keintura ku malestar kontinuo henter un siman. Mi sa ku kurason ku ta bati ta señal di bida, pero si e ta bati manera golpi den pechu, esei si ta algu horibel!
Pero, di e mal situashonnan nos por haña bon lèsnan, paso, nada no por ta dje malu ei ku nos no por siña algu for di dje.
Kemen, pa mas ku tur kos por ta parse for di mi kontról, mi tabata sa ku e no Tabata for di kontról di shelu.
No ta trata di optimismo ni komersio di realidat, óf religiosidat barata, pero di un siguransa di ku tur kos ku pasa nos a paso pa Dios promé. I si E aprobé, ta kontribuí pa nos bon. Ah! Manera nos konfiansa ta krese ora ku nos no por interfere ku prosesonan importante den nos bida! Ora nos por solamente kere I eksperimentá e kuido amoroso di Esun ku ta bisa:
“I asta e drachinan di kabei riba boso kabes tur ta kontá”
Mateo 10:30
Pronto, realmente nos no tin mester di kontról, si nos Dios tin’e ta mas ku sufisiente.
Bo a yega di pèrdé kontról aserka di kualkier situashon? Kalma! Ta bai ta bon, paso, den e Sala di Trono tin un Soberano na kontról!
