E Ehèmpel di Abel
Levitiko 6..8 -13
Dios ta desea pa nunka nos no paga e kandela riba e altá!
Altá ta un luga di pas.
Altá ta un luga kaminda di bèrdat bo ta haña un enkuentro ku e Dios berdadero.
E pueblo di Israel a desobedese Dios ora nan a traha altá pa bahal i laga e altá di Dios atras.
Awendia tambe altánan ta wòrdu traha pa mundu i esun di Dios ta wòrdu despresia.
Altá pa bruheria.
Altá pa ritualnan maligno.
E altánan ku no ta pa Dios ta asina tantu ku nos no por menshona tur.
Abel ta un ehèmpel te ku awe. E ta e prome persona ku a krea un altá i ofrese un sakrifisio na e uniko Dios bibu, pa asina risibi un kambio di bida. Dios a kontest’e ku kandela for di shelu, pero pa motibu di envidia e la wòrdu mata pa su propio ruman Kain.
E deseo di Dios ta pa nos tambe tin e mesun fe i determinashon ku Abel, paso Dios so mesere un altá traha na Su nòmber i un sakrifisio bibu pon’é riba dje.
Hala serka di e altá di Dios i ofrese bo bida na dj’E.
Altá di mundu ta ofrese alegria pa un momentu, altá di Dios ta trese pas i felisidat berdadero.
