Ken ku ke kompartí pensamentunan mas profundo, sa ku e atenshon di e redunan sosial no ta e mihó pa esaki. Poko di nan ta siña algu útil, pa reflekshoná òf pa profundisá den nan eksperensia di bida.
Pa algun di nan, e reda sosial ta funshoná komo un pasa tempu, pa otronan, komo trabou, i ainda, otro ku ta uz’e pa alimentá su ego i vanidat ku ta trese tur eksposishon.
E últimonan aki -meskos ku Narciso- namorá di su mes, esei ta e motibu ku tur dia e tabata len den riu pa por meditá riba su mes imágen.
Pa un amante di su mes, kada ‘mi gusta’ i kada komentario ta kambia su propio persepshon di e realidat i karisiá su deseonan pa ser stimá, i aspirá pa bira, por ehèmpel, importante, inteligente òf bunita.
Ke men, si di bèrdat bo ke krese, no dediká demasiado tempu den e fábrika di ilushonnan di reda sosial. Ademas, no proyektá bo balor pa e kantidat di siguidónan i e kompromisonan ku bo tin.
Di bèrdat bo ke “influensiá”? Awèl, hasi’é, den práktika ku e personanan rondó di bo. Di bèrdat bo ke gana alma? Hasi’é diariamente ku e “mizerabelnan” ku aparesé den bo kaminda.
Di bèrdat bo ke sali for di e superfisialidat di e generashon aki? Dediká tempu na asuntunan profundo i edifikante.
Frasenan pa motivá por ta agradabel, pero nan no ta kambia nos bida. Mira loke ta sosodé den otro su bida ta mantené bo informá, pero e no ta kambia bo propio bida apsolutamente.
1 – I si bo rekonsiderá e tempu balioso ku bo a pèrdè akinan?
2 – I si bo rekonsiderá bo referensianan i hasi un “limpiesa” den e lista di e personanan ku ta sigui bo?
Hmm! Mi sa ku e desafio aki ta pa poko hende. Abo ta aseptá?
