“Ora nos haña un famia, nos tin e cos di mas balor cu por existi riba tera y nos tin e mitar di e tesoro cu ta existi riba e mundo aki, paso tin respet, amor berdadero, compreshon y sacrificio di tur dos banda.
Pero, si bo no tin e tipo di famia ey, bo por tin tur e placa di e mundo aki y lo bo sigi ta pober y sin felicidad.”
E palabranan aki ta pertence na e Bispo Edir Macedo, e frase a wordo saca na un reunion cu tabata tin na Portugal recientemente.
E lider di e Iglesia Universal a señala cu e tesoro cu ta nifica e Famia mester wordo manteni, conserva, cuida, y den e sentido spiritual principalmente, ta loke nos ta posee den nos bida na tera cu ta lo mas precioso.
Riba e pagina Arca Universal y e reunion di di IURD nos ta papia hopi riba e comportamento di un miembro di un famia, Tata, Mama of Yui. Cada un di nan ta un piesa mecanico importante pa e por funciona, dilanti cualkier defecto chikito di cualkier di nan e aparato ta stop di funciona satisfactoriamente. Un famia no por tin un funcionamento, un bida ” na mitar”. E felicidad ta un item necesario.
E mundo y e enemigo ta actua tur ora pa e institucion di e famia destrui y cai. ¿Dicon?
Pasobra den dje ta nos comienso di bida aki na tera. Na su nucleo nos ta siña
(of nos mester siña…) e regla di convivencia cu ta permiti nos relaciona pafo di e atmosfera familiar.
Eynan nos ta siña kico ta un bida cu Dios – si e mayornan no tine nan ta bai transmiti esei na esnan rond-. Un famia cu tin un bon fundeshi den Señor Hesus, ta duna e miembronan un estructura fuerte cu lo yudanan den nan bida fisico, psicologico y spiritual.
Pesei ta existi e atake na e persona cu nan ta considera un piesa principal den e sociedad. Ta den e famia cu tur cos ta cuminsa. Si e fundeshi ta debil full e estructura lo cai.
Y e personanan sin estructura ta e elemento ideal pa e decancia mundano.
Cu ta debora nan bida y ta entreganan den un teblashi na e enemigo.
E sabiduria Divino semper ta soprende.
Cu tur e poder de Dios cu Hesus tabata tin, e Tata a haci e Yui nace entre e ser humano na un famia cu tabata dedica. Maria y Jose tabata tin un gran responsabilidad, nan a wordo scohi pa siña e prome stapnan di un baby cu tabata destina pa ta e Salbador di nos tur.
Hesus mester tabata obediente y respetuoso cu su mayornan terrenal prome cu predica na e otro nan pa na obedece e Tata di Lus. Niun hende por manda si e no sa. Prome e mester obecede pesei no ta tur ora un hefe ta un lider.
Tabata cu Maria y Jose cu Hesus a siña depende di un hende pa wordo alimenta, abriga, protehi. Nan a siñe su prome palabranan. Nan a dune educacion y con pa trata e comunidad. Nan a dune tareanan di cas, Hesus a siña cu Jose pa ta un bon carpinte, ela yude na su ofishi ela siñe responsabilidad y e balor di un trabou cu ta duna e condicion pa sostene su mes.
E casamento simpel di Nazareth a haci e Mesias compronde miho, e diferencia cu ta haci den e bida di un persona in famia con estructura.
Dios tabata por inclui e informacion ey den e mente di Hesus, instantaneamente.
E por a mande na tera un Mesias claro caba, prepara, paso poder pa haci esei e tin hasta dimas. Sinembargo, Ela prefera cu nos Salbador a bin fragil na mundo, manera un baby, siñando desde su prome seconde nan entre nos, loke ta un amor di un famia. Dios no a “programa” Hesus cu e informacionan cu anticipacion. Ela lage pa e siña na e practica.
