“Nan tabata preferá haña gloria serka hende i no gloria serka Dios.”

Huan 12:43

Tin hopi persona ku no ta proklama e nòmber di Hesus pa miedu ku otronan ta haña sa ku e ta kere den dj’E. Nan tin miedu di bisa ku nan ta kere òf sigui Hesus, pa motibu ku nan por wòrdu huzgá dor di otronan. Meskos tabata pasa tambe den pasado. Esaki ta mustra ku e persona ta skohe pa e gloria di mundu i no a e gloria di Dios. E ser humano ta asina pega na e kosnan di mundu, ku nan no ke pèrdè e konsiderashon di esaki.

Hopi no ke deklará ku Hesus ta e Señor di nan bida, paso nan sa ku si nan aseptá i deklará esaki, nan lo wòrdu rechasá pa mundu. Esun ku aseptá Hesus i proklamá Su nòmber publikamente semper lo disfruta di e gloria di Dios. E gloria di mundu ta pasahero, pero e gloria di Dios ta eterno. Su Spiritu Santu ta duna nos e aksesibilidat pa nos pasa un bida eterno den e Gloria di Dios.

¿Kua gloria abo ta skohe? ¿Esun di Dios òf di mundu?

Djarason awor partisipá na e Skol di Fe inteligente. Reunion presensial: 7:30am – 10:00am – 3:00pm – 5:00pm.

Live via youtube: 7:00pm, manda un WhatsApp pa nos number di telefòn ku bo por haña riba nos medionan sosial òf aki riba nos sitio wep.

 

Pa mas info Whatsapp +59996873458.

LEAVE A REPLY

Please enter your comment!
Please enter your name here