Ah! Si Señor Hesus tabatin pa tres aña largu, un traidor huntu kunÉ, nos tambe lo tin tipo di hendenan asina rondó di nos. Nos no ta sorprendí pa nada!
Ainda, tin un detaye ku no por keda desapersibí den e kaso di Hudas. Turesten e disípulo aki tabata skonde i kumpli ku e propósito maligno, e tambe tabata wòrdu evangelisá intensamente.
Hudas, un di diesdosnan, tabatin mas chèns ku tur e otro hòmbernan den su époka. E por a testifiká riba e tereno di fidelidat, amor i sinseridat di e manera mas sinsero na e Persona di Señor Hesus. I den e elekshon aki, nos no por opiná, pues, ta Dios a deseá pa a bai asina. E amor divino a manifestá na Hudas dunando e, e privilegio altu di tabata serka di e yu di Dios den karni. Kome, bebe, drumi, skucha i hari durante tres aña largu sin interumpí.
Asina, ku tur hende, konsiente òf inkonsiente, ku a drenta den nos bida i a hasi nos malu, tabatin e oportunidat di konosé e bon i pa medio di nos mira Dios. Nan a kana, papia, kome i dibertí den nos kompania, mas tabata Dios ku a stima- i mustra nan e kaminda di salbashon.
Si nan no a probechá di e chèns, esaki no ta nos falta. Si Hudas, tabatin e mihó enseñansa, e mihó ehèmpelnan i eksperimentando e milagernan mas grandi, e no a konbertí, esei por akontesé awe tambe.
Pero, mi ta enfatisá mi responsabilidatnan, di hasi tur loke ta nesesario, inkluso “laba e pianan di Hudas”. I, finalmente, mi ta na pas pa koperá ku shelu.
Esnan ku ta skohe pa pèrdè nan mes, apesar di tur e privilegionan ku nan risibí, Nan ta keda ku e atvertensia ku mas grandi e konfiansa i responsabilidat ku nan ta disfrutá ta, mayor ta tambe e pika di deshonra den e wowonan di Dios. Konsekuentemente e sentensia ta pió.
Nos ta ban konsentrá pa hasi nos parti
