E poder di testimonio
E poder di testimonio ta divino.
Te ku awe mi ta kòrda e testimonio di mi mama, kende a eduká mi den tur e drukte di e obra di Dios.
Nos a pasa den 6 skol i den niun mi a logra pone raís dor di e poko tempu ku nos tabata einan. E djasabranan nos no tabata sali bai kana i nos bida tabata di kas pa iglesia, di iglesia pa kas, di kas pa skol, di skol pa kas. Nos no tabata konose e modanan, fiesta, lugánan, kombersashonnan di muchanan di nos edat. I nos no tabata rebeldiá òf murmurá, paso den e tiki nos tabata tin tur loke nos tabatin nesesidat di dje: pas Sí, nos hogar tabatin pas. Mi mayornan tabatin pas. I e pas ei tabata e testimonio ku Dios a uza pa alkansa mi, paso mi tabata bisa mi mes: dia mi bira grandi, mi ke tin loke nan tin. Tin biaha hende ke mustra esaki i esaya pa ser atmirá. Pero e no ta mustra e pas, bo ta wak, p’esei e ta tan divino, e ta papia i duna testimonio perfektamente na nos Tata.
Esun ku tin pas, ta someté sin problema paso niun hende no por mishi ku loke bo ta paden. P’esei e muhé di Dios ta someté na su kasá i e no ta sinti’é superior kune.
“Di mes manera boso ku ta esposa mester someté boso na boso esposo. Ya si tin esposo ku no ta obedesé Palabra di Dios, boso por gana nan ku boso komportashon, sin tin nodi di bisa niun palabra”
1 Pedro 3:1
