E preparashon pa e bautismo den awa

45

Un persona ta prepará pa ser batisá den awa, solamente despues ku e ta sigur di e arepentimentu di su  pikánan i di a pone su fe den Señor Hesus.

 

E preparashon pa e boutismo den awa.

 

Un persona ta prepará pa ser batisá den awa, solamente despues ku e ta sigur di e arepentimentu di su  pikánan i di a pone su fe den Señor Hesus. Esaki ta e rason dikon nos no tin ku batisá mucha chikí. E boutismo ta un seremonia ku ta rekerí di e kantidato un arepentimentu di su pikánan. Kon un mucha chikí ta bai arepentí di su pikánan si e no tin?

 

E muchanan mester, sí ser, entregá na Dios, konforme loke ta skibí: “Algun hende a trese mucha pa Hesus pone man riba nan (…) Despues El a brasa e muchanan, pone man riba nan i bendishoná nan” (Marko 10:13-16).

 

Ora Pedro den Herusalem a hasi su gran diskurso ku rèspèt na e Reino di Dios i di e persona di Hesus, e pueblo, ku e kurason penitente, a puntra Pedro i e otro apòstelnan kiko nan mester hasi.

“Kombertí i laga batisá boso den nòmber di Hesu-Kristu, pa Dios pordoná boso pikánan. I Dios lo duna boso Spiritu Santu…” (Echonan 2:38)

 

P’esei, e arepentimentu ta e promé kondishon pa e kantidato por batisá. Normalmente ta sosodé, ku hopi persona ta batisá sin arepentí. E resultado ta e eksistensia di personanan “konvensí” meimei di nos i no “konbertí” na Señor Hesu-Kristu. I esakinan semper ta krea problema den iglesia, diskutí ku otronan, pleita, papia malu di pastor, di obreronan, nunka nan no ta kontentu ku nada, pues e ambiente den kual nan ta move no ta pertenesé na nan. Nan ta sigui biba bou di e dominio di e piká dor di no tin nan karni derá ku Kristu.

 

Mensahe saká for di buki:  En Los Pasos de Jesús (outor: Obispo Edir Macedo)