Ta mansu ta un virtut fundamental di bida i e no kemen ku bo ta moli, bobo ni nada di esei. Ta mansu ta un forsa, un forsa sobrenatural. Solamente e mansunan ta logra ta fuerte den e situashonnan difisil:
• Pa vense luchanan;
• Pa no kai den provokashonnan;
• Pa wanta e ira i no eksplotá;
• Pa rechasá e desel di tuma vengansa;
• Pa pensa i tuma e aktitut korekto den e momentu korekto.
Kemen, ta mansu ta un trankilidat pa nos alma pues e ta evitá hopi problema.
TRANKIL, bo a deskubrí ku bo no ta mansu! Nos por ‘siña’ e virtut aki, wak kon:
Tuma mi yugo riba boso skouder i siña di Mi, pasobra Mi ta mansu i humilde; i boso lo haña sosiegu.
Mateo 11:29
Mi ta keda sorprendí i mes ora felis ora mi konosé e kurason mansu i humilde di Hesus pa trata nos. Si no tabata asina, Pedro lo a tende basta gritu, pa kousa di su erornan. Tomas lo mester a wòrdu ekspulsá despues di su teribel inkredulidat i nos lo mester a wòrdu destruí kaba.
Ta pa e motibu ei ku e propuesta di Hesus no ta solamente pa nos bin disfrutá di Su kualidatnan, pero pa nos ta manera E den e mundu yen di pruebanan ku nos ta biba den dje.
Ku awe nos tin reakshonnan ku ta reflehá nos Salbadó.
I si bo stòp di bringa i odia? Pa asina eksperimentá kon pa ta mansu?
