E trouma di e pasado no tabata pèrmití mi ta felis sentimentalmente

0
205

E trouma di e pasado no tabata pèrmití mi ta felis sentimentalmente

“For di chikí mi a krese den un hogar yen di problemanan. Mi mama no tabata stimami, pues mi tabata rekòrdé riba e traishón di mi tata. Pa e motibu ei mi mama a yega di deseá mi e morto den varios okashón. Algun aña despues, mi a wòrdú abusá i ese’i a marka mi. Pa e motibu aki, den di mi a krese un odio hopi grandi kontra hòmbernan i kontra mi mama pasó e no a stima mi.

Despues di tempu a nansé den mi e deseo di forma un famia. Mi a asta kasa, pero e trouma di e pasado tabata ripití konstantemente den mi kabes. Pa e motibu ei, mi tabata maltratá mi eks-kasá i nunka nos no tabata logra komponé e relashón. Den final mi a divorsiá for di dje i tempu despues mi a konosé mi kasá aktual. Infelismente, meskos a sosodé ku mi kasá nobo, pues, mi tabata hopi agresivo i mi tabata hasié daño físiko i emoshonal. E maldishon aki tabata parse ku e tabata siguí mi i ku e no tabata tin final.

Den e situashon aki mi a wòrdu invitá pa partisipá den e sirbishinan di fe di e Iglesia Universal. Risibiendo e orashonnan di fe, mi a kuminsá wak un kambio den di mi. Danki Dios mi a logra wòrdu librá di e troumanan di mi pasado, i e karákter malu ni e agresividat no tabata forma parti di mi bida mas. Tambe, mi a logra restourá mi matrimonio i awendia nos ta un famia felis. E pas, e amor, e komprenshón i e respeto ta eksistí den nos hogar. Mediante di e fe, mi bida sentimental a wòrdu restourá.”

LEAVE A REPLY

Please enter your comment!
Please enter your name here