Urías, pa mi, ta e ehèmpel di amor di bèrdadero, ku poko persona tin òf konosé, perfektamente skibí aki bou:
“Amor sa di soportá i ta bondadoso, e no ta envidioso; amor no sa broma, ni ta orguyoso. E no ta grosero, ni egoista; e no sa rabia lihé, ni warda renkor; e no ta keda kontentu ku inhustisia, pero ku bèrdat sí. Amor semper ta perseverá, semper ta kere, semper ta spera i keda soportá. Amor ta dura pa semper.…”
I Korintionan 13:4-8
E la sufri hopi, i aparentemente el a pèrdè, pero no ku Dios, ku a hustifik’é no solamente den tur kos durante su époka, pero te ku awe ora nos ta konta su historia.
Esun ku ta stima asina, normalmente no meresé e loke nan ta haña bèk di otronan, i ainda tin ku soportá esnan ku ta wak e komo un bobo.
Pero bobo ta esun ku ta probechá di esun ku ta stima asina.
