“P’esei awor no tin kondenashon pa esnan ku ta den Kristu Hesus”
Romanonan 8:1
Awor no tin kondenashon. Pablo a mustra na e kristiannan di Roma ku promé ku Señor Hesus a sakrifiká Su bida na krus, risibiendo e kastigu di piká na nos luga, no tabatin speransa di Salbashon pa niun hende, pues tur hende tabata suheto na kondenashon pone pa lei.
Solamente esnan ku ta biba di akuerdo ku e boluntat di Spiritu Santu ta liber di kondenashon, pues ta esakinan ta esnan ku ta den Hesu Kristu. Hopi ta pensa ku nan ta ku Hesus paso nan ta miembro óf ta frekuentá un iglesia, óf paso nan ta sirbi Dios, pero nan ta engaña! Ta ku Hesus ta nase di Dios i biba den obedensia na Su pensamentunan.
Dios bendishoná bo dia grandemente.
