Bo ta warda pa sirkunstansianan faborabel hasi loke mester hasi? Mi ta lamentá pa bisa bo, pero esei nunka ta yega.
Esaki no ta pesimismo. Ta e persepshon .di e realidat di esnan ku a biba sufisiente pa tuma kuenta ku tur kos den bida ta sosodé simultáneamente. Apstené bo mes di e bèrdat aki, ta pèrdè e oportunidat tur dia.
Mi sa ku nos ta bibando dianan di desesperashon, doló i lágrimanan, paso e sufrimentu no ta leu, solamente den notisia. E la bati na porta di personanan ku nos stima, konosé i ku esnan ku nos ta biba.
Ta difísil haña un persona ku no a pèrdè un famia, un amigu òf un konosido, pa kousa di e pandemia aki.
Nos no ta haña nos ku e partidó di karta di semper, ni e señor di fruteria, òf e señora ku tur mainta ta bari asera.
Ki frágil i finito ta e bida riba e mundu aki.
P’esei, aseptá e pèrdidanan i despues rekuperá loke a kibra nos, pa sigui biba, no ta opshonal. No ta un virtut humano, sino un forsa ku ta bini di Dios, pa medio di Spiritu Santu. Solamente E, ku su infinito bondat, por konsedé nos ánimo i speransa, “apesar di tur kos” ku ta akontesé rondó di nos.
Ke men, pa kuantu doló ku bo ta sinti awor aki, sigui!
Kere ku e fe den Esun ku ta rekompensa nos ku e privilegio di ta bibu, un goso interminabel lo yega.
Pero laga nos no lubidá ku esaki ta un privilegio di dia kontá, paso e bida aki ta kòrtiku. Di largu, solamente esnan ku yega einan, haha. Nos ta biba ku temor i responsabilidat pa nos presente.
