Ademas, skohe for di den henter e pueblo hòmbernan kapas ku ta teme Dios, hòmbernan konfiabel, esnan ku ta odia ganashi desonesto; i pone esakinan riba nan komo lidernan di milnan, di shennan, di sinkuentanan i di diesnan.

Éksodo 18.21

Tur e virtutnan aki ta hopi importante i nan ta hasi parti di e karakter di e hòmber ku ta proponé su mes sirbi Dios, p’esei, e ekspreshon ‘hòmber di bèrdat’ ta hasi nos reflekshoná riba su nifikashon real.

Hòmber di bèrdat ta esun ku ta honra su palabra i ta integro i rekto den tur loke e hasi; e no ta hui di su responsabilidatnan, ta nèt kontrali, e ta asumí nan ku firmesa i dedikashon.

E hòmber di bèrdat ta honra su matrimonio, e ta sinsero i transparente, p’esei e ta konfiabel. E ta faya meskos ku otro persona, pero e no ta hui di su erornan i e no ta benta e kulpa riba otronan; i riba tur kos, e hòmber di bèrdat ta humilde pa tende i siña.

Dios bendishoná tur e siervonan rònt mundu.

LEAVE A REPLY

Please enter your comment!
Please enter your name here