El a bisa nan: ‘Un dia dos hòmber a subi bai tèmpel bai resa; un tabata fariseo, e otro tabata kobradó di belasting. E fariseo a bai para e so i resa: “Dios, mi ta yama Bo danki ku mi no ta manera tur e otro hendenan; mi no ta golos pa kos, malbado, adúltero, òf manera e kobradó di belasting ei. Mi ta yuna dos bia pa siman i ta duna un désimo di mi entrada.” Ma e kobradó di belasting a keda pará na un distansia i no a ni hisa kara na shelu. El a bati riba su pechu komo señal di arepentimentu i bisa: “Señor, tene mizerikòrdia ku mi, un hende pekadó!” Mi ta bisa boso: ta e kobradó di belasting ei a baha bai kas na bon ku Dios. Pasobra tur hende ku alsa su mes, lo keda humiliá, ma esun ku humiliá su mes, lo keda alsá.’
Lukas 18:10-14 BPKD13
Promé ku bo sigui lesa, meditá riba e parábola aki.
Meskos ku den e parábola, awendia ta eksistí dos tipo di persona: esun religioso, yen di título pa glorifiká su mes i ku no ta pensa ku e ta pekadó. Di un otro banda nos tin esun ku esun ku segun wowo di hopi hende ta e frakasá, débil, manchá di eror i piká, sushi i sin balor. Hopi ta biba manera esun promé, pensando ku e ta algun tipo di ser supremo.
Pero ora di yega dilanti di Altar esun humilde lo haña e grasia di Dios!
Awe, laga lòs di ken bo ta —òf loke bo ta kere ku bo ta—, drama lagrima di wowo dilanti di nos Dios i rekonosé ku sin djE bo no ta nada!
Tambe, ta bon pa tira un bon bista riba e versikulonan ariba atrobe. E religioso tabata bisa ku e’n tabata pekadó manera e sobra hendenan. I awor, por ta abo no a yega di ta asina? Por ta bo tin un titulo, hende ta respetá i obedesé loke bo bisa, nan ta sigui kada un di bo stèpnan, bo ta santu, perfekto! I pa e motibu ei bo ta haña bu ku e derechi di papia riba e sobranan, di yamanan pekadó, adultero kobradó di impuesto, gañadó, malbado? Ken abo ta, pa bo ta hasiendo e trabou di Dios?
Awe, reflekshoná ki tipo di persona bo ta.
Dios tin mizerikòrdia di nos i danki na E pa mustra nos Su boluntat pa awe!
