Bida ta manera e ta.
E tempu ta pasa pa tur hende.
I ku e paso di e añanan, ta normal ku nos realidat ta kambia.
Pa esnan ku ta gusta keha, kualkier kambio ta motibu pa reklamá. Pero pa esnan madurá, tin komprenshon ku ta nesesario adaptá na e fasenan nobo di bida.
Pa mi, un di e kambionan akí tabata e alterashon di mi soño.
Ya pa 20 aña mi no ta drumi mas, mi ta gradisí Dios pa tur e bon anochinan ku El a duna mi pa e tempu largu di mi bida.
Mi ta vigilá semper pa no hasi di esaki un motibu di impedimentu pa sirbi É òf pa ta agradesido pa tur Su benefisionan.
Awor, kurioso ta e hopi konsehonan ku ta èksistí den internet pa drumi bon. Esun ku ta krea espektativanan ku e bida di awe lo bolbe bira manera esun di dékadanan atras, lo por sufri.
Pa algun, sierto konsehonan por funshona. Sinembargo, mi ke enfatisá ku si bo kambio ta no drumi, lo ta den otro area, asina ta ku mihó aseptá e proseso natural di e bida.
Mi a selekshoná algun konseho, ku ademas di no ta tan kreibel, ainda nan ta dibertido:
Asina bo lanta wak e solo.
No lubida di bebe djus di parchita durante henter e dia, i e mester ta hopi stèrki.
Bebe te di kanele bloem anochi, i no lubida ku bo mester tuma algun gota di lamunchi.
Tene un holo agradabel den kamber, laken i slopinan kómodo.
Pone algun gota di zeta di lavender riba e kusinchi. Bo por bebe te di lavender tambe.
Ta esensial wak e bahada di solo pa hasi cromoterapia.
Paga tur lus den kas trempan, no laga ningun tipo di iluminashon alrededor. Sobrebibí tur e tempu ku bo por pa kana den e suku, inkluso si bo trompeká den tur e muebelnan, kibra bo dedenan i bo nanishi tambe, paso, loke ta importá ta no pèrdè e soño.
Lesa un poko promé ku drumi.
Pone bo telefòn den modo avion, i mantené bo sin komunikashon…
Kiko ta pasa si ningun di e ritualnan akí funshoná?
Relahá i konfia den Dios, ku ta sigui ku kontrol di tur kos.
