Ta fásil stima un maskota, paso e ta kaiñoso, amabel, soshal, komprensibel i fiel. E no ta husga nos, meskos nos no ta husg’e ora e hasi malu. Nos ta komprondé, nos ta yama su atenshon, pero nos no ta kambia ku ne, paso, nos ta stim’é.
“Odio ta kousa pleitu, pero amor ta tapa tur ofensa .”
Proverbionan 10:12
Pero tin hende ta preferá e odio. E no sa revelá, no ta pordoná, no ta konosé i muchu ménos komprondé. Personanan asina ta difisil pa stima…ni pa esei nos no mester keda sin stima nan, pero di aleu, hasi orashon pa nan.
