Bo ta bai iglesia tur siman, kumpli ku bo votonan, bo désimo i ofrendanan. I asistí na kas di Dios, òf a lo ménos intentá di bai e dianan ku bo tin nesesidat. I ora bo mira tur loke bo ta hasiendo, bo ta pensa ku bo ta bai eksplotá di kon ‘bon’ bo ta. Esaki pasobra, poniendo atenshon na bo trabounan, bo ta efisiente, obediente, aktivo…

Mas, kon bo ta presentá na Dios?

Ora bo ta konsentrá den loke bo ta hasi, loke bo ta pensa di bo mes, bo no por
mira e nesesidat di bo propio alma. Semper bo ta bisa otronan ku nan
Salbashon ta e kos di mas importante ku nan tin, sinembargo, bo no ta demostrá
di tin nesesidat di e Salbador, bo no ta mira nesesidat di tin E, kontrali, bo ta
mira solamente bo mes komo e persona ku ta útil pa sirbi Dios; un ku, den
kaso ku no hasi algu, ta e Obra di Dios ta esun ku ta bai sinti falta di bo
servisio.

E pregunta ku no ke keda ketu ta: Kon bo ta yega serka Dios? Kon bo ta
presentá dilanti di Dj’E?
Bo ta papia ku Dios, pero bo palabranan parse mas un diskurso, ripití kada
bes di loke realmente bo ke bisa. Parse ku bo ta papia di algu ku ya ta dòrná,
of bo ta uza un orashon sistemátiko – hopi lihé, sin rasoná i sin pone
atenshon na loke bo ta bisa Dios.

Bo ta drenta iglesia, sinti un emoshon, yora ora bo ta papia ku Dios… Bo ta
sintí mihó pa un momento. Pero e resultado definitivo, ku ta bon, no ta keda.

Kon bo por ta tratando Dios asina?
Poko poko, bo ta laga e inkredulidat konvertí su mes den un parti di bo, i bo ta
laga di tin kuidou na loke ta mas importante den bo bida: bo alma.

LEAVE A REPLY

Please enter your comment!
Please enter your name here