Batseba ta representá e persona ku a krese sin e presensia di su mayornan, pa rekompensá el a wòrdu malkria pa su welanan, awor e no sa kon lidia ku e “nò nan” ku e ta haña den bida. Simplemente e tin ku haña loke e ke, apesar di tur kos, maske ku loke e ta deseá ta inhustu.
E ke David i te ku e dia di awe e no por komprondé dikon e no por a yama su atenshon, ya ku semper e tabata yama atenshon di e guereronan. I kada biaha ku e tuma un kasá nobo, ta un puñá den su kurason, ku e ta biba frustrashon konstante dor di no tin loke e ke.
Miéntras Batseba no yama e atenshon di David, e no ta kontentu ku Urías, ku ta stim’é di bèrdat.
Tristu, paso no ta asina hopi ta trata Dios? Nan ta apresiá su atenshon i e balor ku e ta duna nan, pero no asina tantu manera e mundu por ofesé nan i, p’esei, nan no ta entregá na DjÉ… nan ta ku nÉ, pero nan tin nan wowonan den e mundu…
