Nos no por kere den un Dios ku ta solamente den un “lugá altu i sublime”, leu for di nos. Pero kere den un Dios ku, maske E ta biba den altura, E ta aki tambe, ku esnan humilde i ku spiritu kibrá, manera El a bisa:

 

Pasobra, asina Esun haltu i sublime, Kende ta biba pa semper, Kende Su nòmber ta Santu, ta bisa: “Mi ta biba den un lugá haltu i santu, i tambe huntu ku esnan umilde i di spiritu kibrá, pa rebibá spiritu di e hende kibrá i pa rebibá kurason di e umilde.”

Isaías 57:15

P’esei, den e mesun momentu, e Altísimo ta biba den Su tèmpel Santu, pero tambe den e kurason humano ku risibi’É.

Ki diferensia tin entre e dos bibiendanan aki! Mientras un ta bunita, trankil, espasioso i santu, e otro ta chikitu, agitá, no semper bunita i ni semper ta agradabel.

Kada bia nos ta deskubrí algu mahos skondé den nos kurason, òf nò?

Sin embargo, inkluso ku e kontraste aki, Dios a skohé pa biba den e dos bibiendanan aki. Asina so, E ta uni e shelu ku tera i e kurason ku Su Kreador.

P’esei, no pensa ku bo problemanan òf e kosnan chikitu di bo bida no ta importá e Todopoderoso! Ta eksaktamente kontrali! E okupashon mayó di dj’E, revelá den e Skrituranan, ta di kuida nos.

E prueba di esaki ta ku esun Santu, pa medio di Señor Hesus, a baha den karni i sanger. E enkarnashon di e Palabra ta nifiká ku, e mas altu, eksaltá i eminente Señor, tabatin kompashon di e sernan mas indigno, pober i miserabel di universo.

P’esei, awe esun ku ta sinti’é kibrá, chikí, trapá pa sufrimentu, ta den e momentu mas apropiá pa uni su mes den spiritu ku Dios i bira UN ku n’E.

No bira loko dor di pèrdè e privilegio ekstraordinario aki!

LEAVE A REPLY

Please enter your comment!
Please enter your name here