Masha bunita

38

Tantu saber ta surpasá mi, ta muchu altu pa mi logra kapt’é. Unda mi por hui Bo Spiritu, unda mi por skapa fo’i Bo Bista?

(Salmonan 139:6-7)

Mi imaginashon no por alkansá e grandesa di Dios. Su poder i Su mahestat ta asina altu pa mi, ku ta solamente pa mi maraviya mi di mi Dios Soberano den tur kos.

E Dios Omnipresente ta na tur lugá i ta wak tur kos. Nada ta keda tapá òf sin Su konosementu. Niun hende no por hui di Su presensia. Mi no tin manera di skonde òf huí di Su wowonan penetrante.