Diabel ta traha suplando pensamentunan pa nos hasi loke ta malu dilanti di Dios.
Nos bataya di mas grandi ta den nos mente. I kon pa vense e bataya ei? Un estrategia efikas ta pa alabá i adorá Dios den e momentunan ei.
Nos tur ta tentá ku pensamentunan ku ta bin den nos mente i nos mester vende e ideanan malu ku diabel ta supla.
Nos mester evitá e pensamentunan malu i e lugá kaminda nan ta inisiá, manera:
Komentarionan malu kontra:
– nos guianan spiritual;
– e obispu;
– e pastor.
– e direkshon general di iglesia.
Den 1 Kor. 1:10 tin skirbí:
“Den nòmber di nos Señor Hesu-Kristu, rumannan, mi ta apelá na boso, pa boso ta di akuerdo ku otro. No pèrmití divishon entre boso, ma sea kompletamente ún di mente, di mesun konvikshon.”
Ora nos tur kana den e mesun pensamentu, di akuerdo ku e direkshon di iglesia dirigí pa Spiritu Santu, nos tin pas, fortalesa i nos lo avansá.
Pero si nos tende esnan ku no ta aprobá esei, ku ta kritiá i ta rebelde, nos lo kaba desanimando.
Esnan ku tin pensamentu malu pensando ku pastornan no ta hasi kos bon, ku e direkshon di iglesia ta malu, nan ta dura tiki i diabel ta derotá nan den nan mente i nan lo kaba alehando.
No tende lenganan malu, no tende komentarionan malu kontra bo pastor of direkshon di iglesia. No pèrmití ku diabel derotá bu ku e pensamentunan malu. Wak pa Dios i kontinuá den bo komunion ku n’E te den final.
