Morto tabata parse e solushón pa e sufrimentu ku mi tabata biba
“Pa kousa di e familiaridat ku e mundu di kriminalidat i droga, mi bida tabata kompletamente destruí. E bida aki a trese problemanan familiarnan, sentimental i ekonómiko.
Mi no tabata konosé otro forma di biba, pues for di ora mi ta tin 12 aña mi a wòrdu influenshá pa e influenshianan malu pa forma parti di e mundu aki. Tempu a pasa i tur esaki a bira den un bisio: marihuana, cocaine, sigaria i leim.
E problemanan na kas tabata oumentá, i ku tempu, pa kousa di e bisio i pasó mi tabata pensa ku mi kasá tabata infiel, mi a haña un komportamentu violento, te ku mi a yega e ekstremo di dal i maltratá mi yunan.
E pihó momentu tabata ora ku mi a purba di kometé suisidio kolokando un pistòl den mi boka, pero mi kasá a yega nèt na ora pa impidí esaki.
Den e desesperashon di no por a wak ni un kambio, mi a asta planifiká e morto di mi kasá i di mi yunan.
Den e situashon aki ma yega Iglesia Universal. Partispando di e reunionnan, mi a siña ku ta tin un solushón pa e mion di problemanan ku mi tabata bibando. Mi mester a obedesé e Palabra di Dios i poné den práktika. Ku perseveransha i luchando pa un kambio di bida, mi a tuma un desishon di hasi un prueba ku Dios pa mi por ta liber di e bisionan, di e tormentonan interno i pa e transformashon familiar. Mi tabata ke un transformashon di bida total i kompleto.
Danki Dios mi ta kompletamente liber. Mi a logra bandoná e bisio i e bida di kriminalidat. Mi a bira un hòmber amoroso i yen di pas, sin impulso di agresividat. Inkluso mi bida ekonómika a wòrdu restourá i mi ta bayendo dilanti.”
