E tema di awe lo ta mucha i e mundu virtual, e peliger i riesgo ku ta drenta e famianan di un manera silensioso i ku por trese problema grandi.

Sigun e palabra di Dios den Kolosensenan ta bisa:

“Tene kuidou pa niun hende no sedusí boso ku teoria bashí i engañoso ku ta basá riba tradishon di hende. E teorianan ei ta bini di e podernan spiritual ku ta dominá mundu i no di Kristu.”

Kolosensenan 2:8

E atvertensha ta kla ku nos no ta bira presa fasil di e malu, di filosofla i sutilidat nan vano. Internet, sin responsabilidat, ni limite, a desbalansá sutilmente e famianan i muchanan. Nos mester ta alerta ku e muchanan.

P’esei, kontrolá kiko tur bo muchanan ta wak, tende, sigui, komentá, ets, riba medionan sosial. Tin hopi plataforma, i diabel ta usando detayenan chikitu den e ultimo tempunan, pa hinka den di nos muchanan pensamentunan negativo pa rebelá kontra di Dios i Su palabra for di chiki, asina, ora nan bira grandi, nan lo ta inkredulo, kemen, nan lo no kere den Dios mas -sin fe-. Esei, konsekuentemente ta hiba na e perdishon di e alma i salbashon eterno. E ta usa challengesnan divertido, kantikanan ku smak, kosnan sútil, pero ku un intenshon malu tras di nan.

Awe, disidí pa guia bo yu den e bon kaminda.

LEAVE A REPLY

Please enter your comment!
Please enter your name here