Na momentu ku un persona ku ta yena ku Spiritu Santu stòp di sakrifika i skucha e bos di Dios, e ta duna e diabel chèns di bolbe drenta den su bida. E proposito di diabel ta pa kontrola bo bida i pensamentunan i asina e ta logra na susha bo alma i kurason. Na momentu ku bo ta gaña, hòrta, papia malu di otro ets, bo ta dunando diabel e oportunidat pa tuma kontròl di bo bida.

 

“No duna diabel niun chèns! Esun ku tabata hòrta, mester stòp di hòrta i kuminsá gana su pan honradamente pa asina e por yuda esnan ku ta den nesesidat. No usa palabra fo’i sla; laga loke boso papia ta útil, konstruktivo i na su lugá, bon pa yuda esnan ku ta skucha.  Anto no hasi Spiritu Santu di Dios fèrdrit; Dios a seya boso kunÉ komo su propiedat pa marka boso pa e dia di salbashon final. Pone un banda tur amargura, rabiamentu, lantamentu di bos, insulto, den un solo palabra: tur sorto di malisia! Pero sea bondadoso i tene kompashon; pordoná otro manera Dios a pordoná boso pa medio di Kristu.”

Mateo 4:27-32

 

Un hende ku tin renkor, rabia, resentimentu i ku no ta pordoná no tin Spiritu Santu. Ta imposibel pa Dios dunabu e regalo di mas presioso ku E tin, ku ta Spiritu Santu pa e bin habita den un kurpa kaminda e diabel ta reina. E prome paso pa bo risibi e presensia di Dios ta arepenti di bo erornan, buska Dios di tur bo kurason i no duna diabel niun chens mas pa e por drenta den bo bida.

 

E desishon ku bo tuma awe lo pèrdura pa semper. Awe bo tin e oportunidat di kuminsá di nobo. Dobla bo rudia hasi un orashon, entregando bo bida na Dios. Duna Dios e chèns pa habita den bo awe, asina bo por tin pas, goso i alegria .

LEAVE A REPLY

Please enter your comment!
Please enter your name here