No skòp e hèmber. Skòp e boluntat di desistí!

25

Ken nunka tabatin e bondat di “skòp e hèmber” un dia? Tur hende. Pero promé ku skòp e hèmber, skucha e mensahe balioso aki i deskubrí e fuente di forsa ku bo mester.

 

Tin momentunan den bida ku bo a sinti e boluntat di “skòp e hèmber” i desistí. Por ta un relashon, un trabou, un proyekto. E aktitut aki di “skòp e hèmber” ta un boluntat ku ta bin ora ku tur kos ta sali malu òf ora ta parse ku hende no ta importá ku nos esfuerso.

Esaki ta humano, paso mayoria di hende ta pasa den momentunan asina den bida. Pero kiko bo tin ku kòrda na momentunan asina aki?

Bo bida ta mas ku personanan, kosnan, pertenensia, proyekto i soñonan. Kasi tur kos ku bo pèrdè den bida ta remplasante. Ke men, poko kos no por ser rekuperá òf remplasá. I loke no por wòrdu remplasá, nos kapasidat humano ta siña nos biba sin djé.

Tin ehèmpelnan hopi bunita di personanan deskapasitá ku no ta laga nan wòrdu hibá pa esaki. Ta personanan ku ta komprondé: “Ainda ku mi a pèrdè un miembro di mi kurpa, ku nunka mas mi por rekuperá, mi por siña biba sin esaki, biba asta mihó i bira un inspirashon pa otro hende”.

Ku otro palabra, un persona por sufri un tragedia i tin den djé un oportunidat di superá i otro persona por mira den djé un motibu pa depreshon. Ta e spiritu humano ta disidí kiko ta bai pasa ku esun ku e sosodé ku né. P’esei, mi ta bisa bo: bo bida ta mas ku tur esaki. Paso tur kos ta remplasante òf bo por siña biba sin djé.

Pero bo bida ta ùniko. Bo no tin otro. Bo no ta biba den un wega di video, kaminda bo ta pèrdè un nivel i gana un otro bida. Nos tin un bida so.

Si bo ta bibu, bo tin kondishonnan di superá, dal un buelta, usa e frustrashon na lugá di  “skòp e hèmber”. Sinembargo, ta bale la pena opservá ku e forsa humano ta agotá. P’esei, bo mester hasi di Dios bo forsa. Tin un Fuente sin fin di forsa, ánimo, alegria, spiritu, inspirashon ku ta bin di Ariba i ta disponibel pa bo.

Konektá bo mes ku e Fuente di tur inspirashon, ku ta Dios. Hasié! Bo por tin sero energia, manera un selular ku ya ta serka di paga, pero si bo konektá bo bida ku Dios, pa medio di orashon, E ta bai yuda bo. Si bo hasi esaki, nunka mas bo ta bai sinti e boluntat di “skòp e hèmber”.