Privilegio i Responsabilidat

Kada bia ku mi ta papia di e palabra di Dios, mi ta haña 2 sensashon: privilegio i responsabilidat.

Privilegio pasó ta manera ku ami ta den e lugá di un di e profetanan di Dios bisando: “Asina Señor di Israel ta bisa” i responsabilidat paso mi sa ku Señor por kambia, salba i kombertí un persona mediante di mi.

Mi sa ku tin bia (òf semper) mi por ta duru, sinseramente, lo mi ta ke tuma e seriedat di e asuntu di un manera mas amabel, paso mi sa ku na final e hende nan ta wak mi ku mal wowo, i mi no ta orguyoso di esei apsolutamente, al kontrario.

Sin embargo, mi no por papia manera mi ta papia di kualke tema, paso mi no ta papiando pa mi mes, sino pa Dios di Israel, e Todopoderoso, Kreadó di shelu i tera, Alfa i Omega.

Hopi ta trata e palabra di Dios manera un buki di poesia ku e ophetivo di hasi ku e personanan ta sinti nan bon, ku historia di persona nan den e palabra di Dios ku a kometé fayo i asina nan por konsolá e personan nan ku a kometé e fayonan. Pero, Dios a duna nos Su palabra solamente pa hasi nos sinti bon? Mi ta duda.

Ku Dios bin habri e komporndementu di esnan ku E a skohe.

LEAVE A REPLY

Please enter your comment!
Please enter your name here