“Señor no ta tarda ku Su promesa manera algun tin esaki pa tardansa, ma E tin pasenshi pa ku boso, i no kier pa ningun hende bai pèrdí, ma pa tur bin na repentimentu.”

2 Pedro 3:9

 

Señor no ta tarda pa kumpli ku Su promesa.Apesar ku hopi no ta kere den e promesa ku Dios lo huzga e humanidat i destruí e mundu, esaki lo wòrdu kumplí. E Altísimo no a  ehekutá esaki ainda paso e ta di un durashon largu i no paso e la kambia di propósito.

 

E tardansa pa ehekutá e destrukshon final hustamente ta prueba e bondat i pasenshi di Dios. E tin e gran deseo di mira e personanan arepentí di nan mal kamindanan pa nan no sufri den eternidat. Ounke Señor ta anhelá ku niun hende ta bai pèrdí i inkluso ta hasi tur kos pa salba e humanidat, e gran mayoria ta sufri, paso nan ta rechasá Su Yu i Su Palabra.

Dios bendishoná bo dia grandemente..

LEAVE A REPLY

Please enter your comment!
Please enter your name here