Young adults meeting together in a Bible study. Focus on the Open Bible.

E problema no ta loke bo no ta komprondé di Beibel, pero si loke bo ta komprondé i no obedesé.

Kemen, den un mundo di hopi pregunta, lo ta bèrdat ku e personanan realmente ta buskando pa hasi e boluntat di Dios, òf simpelmente nan ke e status di ‘konosedó di e palabra’? Ban pone atenshon na loke ta skibí: “Lèternan ta mata, ma e Spiritu ta vivifiká”.

Atsorbé informashonnan bon tokante di Dios, ku e fin di estudio teológiko, imitá referensianan di fe òf gratitut pa e milagernan risibí no ta sufisiente pa e salbashon. Pues, e Palabra di Dios solamente ta generá bida ora e ta sali for di e teoria bai e práktika. Si nò, e lo mata, e lo generá morto i ademas, e lo kondená henter su eternidat.

Sin e ‘Spiritu ku ta vivifiká’ nos lo bira maestronan, manera Nikodemo, i tòg permanesé den e ignoransia. Kemen, nos ta lesa, tende, studia, i tòg nos no ta komprondé nada di e forma spiritual i korekto.

Bo ta ripará ku Señor Hesus semper tabata puntra e dòkternan di lei: “Nunka boso no a lesa e Skrituranan?”
Kon asina? Ki tipo di pregunta esei tabata ta? Hesus tabata sa ku e hòmbernan aki tabata nase tendiendo e Skrituranan, nan a siña lesa ku e Skrituranan, nan tabata bai skolnan spesialisá den e Torá…

Tabata 40, 50, 60 añanan di eksperiensia ku e Teksto Sagrá, pero sin ningun benefisio, den e práktika! Dilanti di e kaos ei, kiko por ta pió ku un bida henter den e engaño?

Religiosidat ta mata, pero, e revelashon di Spiritu Santu ta trese bida i bida den abundansia. Nos no mester di sa tur kos tokante di Dios pero si obedesé tur loke E mustra nos.

Palabranan duru, mi sa, pero no ta e bèrdat esun ku ta liberá?

LEAVE A REPLY

Please enter your comment!
Please enter your name here