Amor propio ta kuminsá limpiando interior, bo no por krese òf mehorá komo persona si bo tin un kurason sushi. Kargando rekuerdonan malu i ideanan kibuká.

Ningun hende no ta warda sushi, pa rason nan klaro, pa motibu di e sushedat i mal holó, ademas, tin bakteria ku ta malu pa e salú. Esaki ta loke e ser humano mas sa hasi, warda shushi den su kurason.

E shushi den bo kurason ta wòrdu representá dor di, herida, trouma, kompleho, miedu, rabia, ets. E konklushon ta simpel, no ta pasobra bo a pasa den un situashon malu, ku bo mester karg’é pa restu di bo bida.

Por ta bo ta warda un doló pasó, bo ta pensa si bo pordoná e persona ku a hasi bo daño, lo bo ta librando nan di e eror ku nan a kometé. E realidat ta ku bo no tin poder pa libra niun hende di nan eror. Tur loke bo sembra den e bida aki bo ta kosechá, trempan òf lat. Bo no por libra nan, nan mes lo kosecha loke nan a sembra, pero si abo keda ku eseinan den di bo, e doló ta afektá abo so. Abo ta esun ku ta kòrda loke a pasa kada bia, manteniendo e sentimentunan. Abo ta esun ku ta sinti e tristesa i e rabia ora bo kòrda loke bo a pasa den. Ora bo kita e doló, lo bo ta liber di loke a hasi bu daño. E mesun kos ta wòrdu aplika pa tur otro kos malu ku bo ta warda den bo kurason.

Saka nan, tira nan afó den ko’i sushi i abo lo ta liber.

Ki bo ta pensa si awe nos ta pordoná e hendenan ku a ofendé nos?

LEAVE A REPLY

Please enter your comment!
Please enter your name here