Hopi bia nos ta lanta ku e siguiente pregunta: Mi mester lagé òf wanta un tiki mas ke problema aki?

Hopi hende no sa kon pa reakshoná den e momentunan ei, i nan ta kaba tumando desishonnan inkorekto. Tin bia pa motibu di e preshon di e situashon, pero e realidat ta ku e konflikto di nos pensamentu ta hasi nos sinti pèrdí.

E hendenan aki ta pensa ku no ta eksistí un salida pa e kuestionnan aki. E konfushon den e mente ta asina tantu ku nan no ta logra sinti nan mes ku pas, te ku nan ta yega na e konklushon ku e mihó alternativa ta pa kaba ku nan mes bida, pensando ku esei ta e mihó forma pa kita e doló, e dudanan i asta e komplehonan.

Pero e no ta.

Bo tabata sa ku ta eksistí un forma pa kita e doló i e pensamentunan destruktivonan ei, sin kita bo bida?

Wèl si, e proyekto HELP di Forsa Hóben Kòrsou tin e ehèmpel nan ei. Nos a superá i abo tambe por!

No desistí di bo bida, no wak bo pasado ni e kosnan ku ta hasi bu sinti malu. Rekòrdá: loke a pasa kaba no tin mas importansia.

Wanta duru, ainda bo por skibi un historia nobo pa bo bida!

Tuma kontakto ku nos via e number di kontakto di Universal Curaçao òf universalcuracao.com

HELP, un proyekto pa yuda abo! Bo bida ta balioso, no hasi nada kontra di dje, bo no ta so!

Fhuhelp

LEAVE A REPLY

Please enter your comment!
Please enter your name here