Tin un diferensha entre komprondé i sa

36

Tin un diferensha entre komprondé i sa. Ta hopi bon pa sa, pero mihó ainda ta komprondé.

Ora mi ku Renato a konose otro, tabata hopi, pero hopi bon! Mi tabata ke ta huntu kune i mi no tabata mira e momentu pa nos kasa, loke nos a hasi den ménos ku un aña, i pronto e problemanan a  bin, e diferenshanan, i e desakuerdonan, ku a dura 12 aña.

E bèrdat ta ku mi no tabata komprondé Renato i e no tabata komprondé mi. P’esei, nos tabata stima otro tantu,  pero nos no tabata logra korespondé otro. Ta solamente ora m’a komprondé Renato i e a komprondé mi, ku realmente nos por a disfrutá di nos kasamentu. I sorprendentemente, tabata e momentu ei ku mi a komprondé mi mes i vense mi insiguridat, miedu i komplehonan.

Konosé ta bon, pero no ta basta solamente konosé un persona, bo mester komprondé e persona ei. Inkluso ku Dios ta asina:

 

“Si un hende ke broma ku algu, lag’é broma ku e konosé Mi i sa ku Ami,…”

Yeremías 9:24

 

Tin hopi hende ku konosé Dios, pero no ta komprondÉ i, p’esei, hopi biaha nan ta aserk’É, tin ora nan ta alehá i nan ta fria…Su fe ta yen di subi i baha i ta biba segun e sirkunstansianan. Nan no a komprondé Dios i, p’esei, nan ta kulp’É di tur kos i ta interpretá Su Palabranan malu.

Asina manera algun persona, ku solamente konosé mi i dor di no komprondé mi, ta kaba di husga mi malu.

Konosé no ta komprondé. Trata na komprondé un persona, promé ku forma kualkier opinion tokante di djé.