Un bida ku Dios
Kon e heroenan den pasado a logra permanesé den fe?
Resientemente mi tabata pensa i pidi Dios pa mi por komprondé kon e heroenan di den pasado tabata hasi pa mantené nan mes den fe, ya ku awendia no ta difisil pa tin fe, sino pa mantené bo den fe, mantené bo salbashon. Despues di tur kos, kiko tabata e sekreto di e hendenan di Dios aki ku nan no a desviá di e fe?
“Moises a lanta un tènt na un bon distansia pafó di e kampamentu i a yam’é: tént di enkuentro. Esun ku ke a konsultá Señor tabata bai e tént di enkuentro pafó di kampamentu. Ora Moises tabata bai einan, tur hende tabata lanta para na entrada di nan mes tént i sigui Moises ku nan bista te ora e drenta e tént. Asina Moises drenta e tént, e pilá di nubia tabata baha bini i keda para na entrada di e tént miéntras Señor tabata papia ku Moises. Ora e Israelitanan mira ku e pilá di nubia a keda para na entrada di e tént, nan tabata hinka rudia na entrada di nan mes tént. Señor tabata papia ku Moises kara kara manera kualke hende ta papia ku su amigu. Despues Moises tabata bai e kampamentu bèk. Su sirbidó, e hoben Yozue, yu di Nun, sí no tabata sali for di e tènt. Èksodo 33:7-11 (NVI).
Ounke Moises tabata un hòmber yen de responsabilidat e lider di un nashon, ounke e tabatin ku resolvé tur e problemanan (paso tur loke tabata pasa, tabatin ku bai via
di dje), wak kiko e la hasi.
E la lanta un tènt, leu for di e kampamentu di e suidat i leu for di tur hende, pa e ta su so ku Dios, i einan Dios tabata papia kune. Moises tabatin su momentu ku Dios, e tabata separá e momentu ei pa alimentá su komunion ku su Tata.
E rason pa kual mayoria di hende ta frakasá den nan fe, den nan lucha, perdiendo asina nan salbashon, ta hustamente dor di no tin un bida ku Dios. Nan ta envolví ku e mundu aki, i no tin komunion ku Dios, no tin nan momentu ku Dios, òf (si nan tabatin) nan no tin. Inklusivo, ta loke a akontesé ku algun hende ku antes tabata mei mei di nos i awe nan no tei, paso nan tabata hasi tur kos manera piloto outomátiko.
No ta e trabou ku nos ta hasi ta mantené nos firme, no ta solamente asistí frekuentemente na iglesia, òf konosé e Beibel ets. Pero e bida ku Dios ta konstantemente den komunion ku NE.
Si nos hasi loke e hendenan den pasado a hasi, priorisá e komunion ku Dios diariamente, ku inkluso Seńor Hesus tabatin (i si e la funshoná ku NE, ku sertesa e ta funshoná ku nos tambe), laga nos ban pèrmanesé den fe, te na final!!!
“Un dia den e tempu ei, Hesus a subi seru pa resa. Henter anochi El a pasa den orashon na Dios. Ora ku di dia a habri, El a yama su disipelnan i skohe diesdos ke El a yama apostel…” Lukas 6:12-13.
Tin e kurason totalmente entregá na Dios ta un èksigensia di Fe inteligente…
“Señor su bista ta kontinuamente riba henter mundu pa yuda ku gran poder tur hende ku ta dedikà nan mes di kurason i alma n’E” 2 Krónikanan 16:9.
Ku otro palabra, no ta sirbi di nada di no hòrta, no gaña, no adulterá, no idolatrá. No ta sirbi di nada skonde tras di bo mes hustisia.
Paso, si e persona tin un bida korekto den tur kos, pero si ta èksistí algu òf un hende ku ta okupá e lugá di Señor Hesus den dje, no tin manera pa e risibí Spiritu Santu, no ta posibel.
Ya ku tin e kurason totalmente den Dje ta un èksigensia di Fe inteligente.
Si ta asina, nos no por pèrmiti nada ni niun hende kompetí ku Señor Hesus pa tin un lugá denter di nos!
Apsolutamente E tin ku reina denter di nos! Pues, Spiritu Santu no ta ser deramá riba un persona solamente ora E ta su mayor ophetivo, pero sí E ta e ùniko ophetivo di e persona aki!
Hasta ora bo risibí Spiritu Santu, bo no por ta dividí entre E i nada mas!
