Home Universal Ken Nos Ta?

Ken Nos Ta?

Lokual nos ta kere den dje

Kuater dékada pasá, Universal a ekspresá su fe i kreensia na e Dios bibu. Basá riba e Beibel, nos ta revelá e poder ku e Tata, e Yu i e Spiritu Santu tin pa transformá i salba bida.

Despues di e kreashon di sernan humano, Dios-Tata tabata e Promé den manifestá su mes pa e humanonan, siñando nan kon pa sigui i obedesé Su doktrinanan. E siñamentunan aki a wòrdu siguí pa Abraham, Isaak, Yakob i hopi otronan,héroe di e fe. Infelismente, humanonan a laga e pikánan korumpí nan aktitutnan. Asina, hopi a desviá di e kaminda korekto i nan a sigui e rumbo di nan mes kurason. Pero Dios, den Su grasia infinito i Su manifestashon di amor pa e humanidat, a manda Su Úniko Yu pa trese e Lei i kumpli ku e Mandamentunan Divino.

Señor Hesukristu, Dios-Yu, tabata e di Dos den manifestá Su mes pa humanidat. Ora El a bini mundu, El a sufri, El a wòrdu krusifiká, matá i derá, pero na e di tres dia El a resusitá. Di e forma aki, El a garantisá e Salbashon Eterno pa humanonan i e liberashon di tur sufrimentunan.

Dios-Spiritu Santu ta e di Tres den manifestá Su mes pa humanidat. Su manifestashon ta wòrdu hasí den e kurason i mente. Asina, e por konvensé e hòmber di su pikánan, mustrando mediante di nan konsenshi ku un persona por faya, pero si e ta arepentí di bèrdat, Dios lo pordon’é.

For di inisio, e Trinidat Santu ta aktua ku poder i sabiduria, i te e dianan di awe E ta revelá Su boluntat mediante di e Beibel, kual a wòrdu skibí pa hòmbernan inspirá divinamente, manera ta wòrdu bisá na 2 Timoteo 3:16-17: “Henter Skritura ta inspirá pa Dios i ta útil pa duna siñansa, refutá, koregí i pa instruí kon biba un bida rekto, di manera ku e hende ku ta sirbi Dios, por ta kualifiká i bon prepará pa hasi tur sorto di bon obra.”

Pero e hende hòmber i e hende muhé ku tin nan bida den e mannan di Dios por solamente realisá e Bon Obra si e ta arepentí di su pikánan. I esaki ta mediante di e Boutismo den Awa. Asina ta dera e naturalesa humano, esaki ta e pikánan, i un persona nobo ta nanse, dispuesto na realisá e boluntat di Dios pa henter nan bida riba tera.

Boutismo ku Spiritu Santu

E boutismo ku e Spiritu Santu ta un akto di grasia i esaki ta ser realisá pa Señor Hesus den tur esnan ku ke wòrdu purifiká i ku ke kana den santidat. Pa e motibu aki, Universal ta basa su fe i kreensia eksklusivamente riba e Palabra di Dios, e Beibel Sagrado.

Santa Sena

Entre e eventonan, e Santa Sena ta esun di mas importante. E no ta representá e símbolo di partisipashon di e sanger i karni di Señor Hesus solamente, pero e ta fortalesé e Iglesia físikamente i spiritualmente tambe. Tambe, e ta renová e votonan di nos aliansa ku Dios.

Diesmo i ofrendanan

Universal tambe ta kere ku e diesmo i ofrendanan ta sagrado, konforme e Palabra di Dios. Diesmonan ta nifiká fidelidat, i e ofrendanan ta representáe amor di e sirbidó pa ku su Señor. Tur esnan ku ta sirbi Dios tin e derechi di un bida abundante. Esaki ta loke Señor Hesus a afirmá den e buki di Huan 10.10: Ami a bini pa duna bida, bida na abundansia.”

Resumiendo, nos kreensia ta ku tur persona mester por tin un relashonamentu permanente ku Señor Hesus mediante e fe, i asina konkistá e bida eterno, e Salbashon di e Alma, lo kual El a primintí pa tur esnan ku perseverá te final.

“Esun ku triunfá, lo Mi pone sinta banda di Mi riba mi trono, manera Mi mes a triunfá i ta sintá banda di mi Tata riba su trono.” Revelashon 3:21

×

Hello!

Click one of our representatives below to chat on WhatsApp or send us an email to info@universalcuracao.com

× How can I help you?