Home Universal Nos Historia

Nos Historia

Historia di Universal

Preokupá pa hiba e Palabra di Dios na tur persona, Universal a invertí den e mantenementu di páginanan i retnan sosial i programanan di televishon “online” i radionan“online”, yegando asina na un oudiensia diversifiká.

E kiosko

Tur kos a kuminsá bou di un kiosko di muzik chikitu den e soberbio di Rio na Brasil. Ku un keyboard, mikrófono i un Beibel, pastor Edir Macedo Bezerra tabata bai den bario di Méier tur djasabra. E tabata subi e 7 trapinan di e kiosko di muzik pa prediká na e poko hendenan. Esakinan tabata e promé pasonan di Iglesia Universal, kual tabatin señora Eugênia komo e prinsipal enkurashadó, mama di Bispo Edir Macedo.

E Funerario

E promé iglesia a wòrdukonstruí kaminda ántes tabata un funerario bieu, den e bario di Abolição, tambe den Rio di Janeiro. Na e lugá ei nan a hasi e promé kulto, dia 9 di yüli 1977. E yudansa di e promé miembronan tabata fundamental.

Albino da Silva a haña e propiedat.

Dona Lindalva doño di e fènnan.

Iglesia universal na Kòrsou

Ofisialmente Iglesia Universal di Reino di Dios a kuminsa na Kòrsou dia 4 òktober 2001. Despues di algun luna di Konsentrashonnan di Fe na Sentro Pro Arte. E iglesia a disidi pa bin establese su mes aki riba nos isla. Di e manera aki diferente persona por a konose di e maraviyanan di Dios i ku asina pa medio di nan fe nan por a yega na un kabio di bida. Awe nos por bisa ku tin dierente Iglesia Universal di e Reino di Dios na Kòrsou ku ta traha diariamente na hiba un palabra di bida i salbashon pa nos pueblo.

Iglesia universal na Aruba

Oficialmente Fundashon Iglesia Universal di Reino di Dios a cuminsa na Aruba na aña 2002 na Cas di Cultura Despues di algun luna di Consentracion di Fe y milager, E iglesia a dicidi pa establece su mes aki riba nos isla. Di e manera aki diferente persona por a conoce e maraviyanan di Dios y pa medio di nan fe nan por a yega na e Transformacion di famia, cura di depresion, liberacion di vicio, na un cambio di bida. Actualmente Fundashon Iglesia Universal di Reino di Dios ta situa na Dakota na Avenida Milo Croes. Iglesia Universal na Aruba ta traha diariamente pa hiba e palabra di bida y Salbashon pa henter e pueblo di Aruba.

×

Hello!

Click one of our representatives below to chat on WhatsApp or send us an email to info@universalcuracao.com

× How can I help you?