Obispu Renato

E mayó i pihó poder utilisá, disponibel pa e ser humano, ta e poder di skohe. Kasi nunka nos tin e opshonnan ku nos lo gusta di tin pa asina nos por tuma nos elekshonnan, pero, ora nos ta wòrdu konfrontá ku solamente un opshon, nos por skohe kon pa biba ku n’e. Nan no a regala nos e opshon di pasa den e pandemia aki, el a simplemente surgi i el a afektá tur hende di un manera ku nos no tabata spera. Sin embargo, e forma ku e personanan ta aktuando dilanti di e pandemia ta un elekshon di nan mes. Algun a skohe e pániko, miedu i inkluso ta tin algun ku a kita nan mes bida; otronan a mantené nan spiritu fuerte, probechando e oportunidatnan derive di e difikultatnan i nan ta pasando den e pandemia eksitosamente.

Tur e kosnan ku nos ta topa i ku nos mester biba ku nan, for di e kosnan chikitu manera e paña ku nos ta bai bisti, loke nos ta bai kome, ets. ta bini for di un elekshon. Nos ta skohe si nos ta bai papia ku Dios òf nò, si nos ta bai lesa Su Palabra òf nò, si nos ta bai iglesia òf nò. Hopi a uza e poder aki di e forma inkorekto, skohiendo kamindanan malu i tumando desishonnan robes. Pues wakiendo bon, e bida ku bo tin awendia no ta pa tur e elekshonnan ku bo a hasi? I bo bida, di awendia bai dilanti, no ta bai ta e resumen di bo elekshonnan? E poder di skohe ta demokrátiko, tur hende tine poder aki: riku, pober, hende muhé, hòmber, hòben, adulto, koló skur, koló kla, ateo, kreyente; paso e ta un poder duná pa Dios na tur e ser humanonan. Ademas, fe no ta un elekshon? Hopi ta bisa ku nan no ta kere den Dios, paso nan no tin prueba, pero e argumento aki ta hopi inkorekto. Ami a skohe kere den Dios, no pasó mi ta wak E, pero si pasó El a dunami e inteligensia pa evaluá tur loke mi ta wak i konkluí ku E ta eksistí.

Den e historia di e hóben riku den e Evangelio di Marko, kapitulo 10, nos ta wak ku su eror tabata ta ku el a hasi e elekshon inkorekto. Ora el a puntra Hesus:…kiko mi mester hasi pa heredá Bida Etèrno?’, e tabata sa kaba e balor di un herensia, pues el a heredá e rikesa di su tata i e tabata sa kon bon tabata heredá algu ku bo no a traha p’e. Pese’i e tabata ke heredá e Bida Eterno fasilmente, Hesus a bis’e: ‘..Un kos bo falta: bai i bende tur loke bo tin,i duna na hende pober, i lo bo tin tesoro den shelu; i bin, siguiMi.’ (Marko 10:21). Pero el a skohe e rikesa manera su dios.

Tin bia bo ta hasi orashon pa un kos, i Dios ta rospondé ku otro kos, paso E, hopi bia ta pèrmiti ku nos wòrdu konfrontá ku situashonnan ku nos no tabata spera pa asina deskubrí loke realmente ta den di nos.

Awe bo tine poder pa skohe loke lo hiba bu mas serka di Dios, di e Bida Eterno, òf mas leu di dj’E.

LEAVE A REPLY

Please enter your comment!
Please enter your name here