Mayoria di hende ta kustumbrá na brasa simpatia, kreenshanan, horóskop, i ritualnan ku no tin ningun sentido, pero nan ta resistí algu mas lógiko i inteligente, manera hasi orashon (resa).
Nan ta kere den streyanan, den e elementonan di naturalesa, pero nan ta laga di kere den e Kreador di tur kos i di konta ku N’E. Di otro banda, tambe nos tin e realidat tristu ku hopi di esnan ku ta bisa di ta kristian ku no ta hasi orashon tantu i manera mester ta…..
Orashon ta un akto di humildat. Nos mester rekonosé ku bo tin límite, ku tin un hende Mas Grandi i Superior, i ku ta na E nos mester pidi guia i yudansa. Mustra bo dependensha di Dios. Pero den e mundu di awendia, henter mundu ke ta dje independiente ei, doño di su mes….. Ademas, hasi orashon ta un akto di sinseridat tambe. Dios no ta kontestá orashonnan memorisá i ripití ku no ta ekspresá loke ta sosodé den bo interior, muchu menos palabranan bunita ku ta sirbi di freyashe i no ta korespondé ku e bèrdat. Si bo tin problema pa hasi orashon òf si bo orashonnan no a wòrdu kontestá, wak e video ariba (10 minüt). Porta e por yuda siña bo pa hasi orashon di un manera mas efektivo i risibí resultado di bo orashonnan…
