E bautismo den awa

33

E boutismo den awa ta mas ku un testimonio públiko di e kombersashon di un persona na Señor Hesus.

 

Esaki ta un asuntu fundamental pa esnan ku realmente ta deseá un bida nobo ku Hesu-Kristu. I tal ta su  importansha ku Señor, despues di a resusitá a aparesé na e disípulonan, a duna nan òrdunan eksplisitamente bisando: “…Pasa rònt mundu i prediká e bon notisia na henter humanidat. Esun ku kere i batisá, lo ta salbá, ma esun ku no kere, lo ta kondená”  (Marko 16:15-16).

 

Mateo ta registrá e Palabranan di Señor bisando: “Bai antó i hasi hende den tur nashon mi disipel: batisá nan den nòmber di Tata, di Yu i di  Spíritu Santu” (Mateo 28:19).

 

E nifikashon di e boutismo den awa.

 

Asina manera e entiero ta un seremonia ku ta terminá e lastu “laso” entre e hende i su bida riba e mundu akí,  pa medio di e boutismo den awa tin un kiebro, publikamente terminá, di e bida natural di e persona ku e berdadero bida di un kristian.

 

De echo, e boutismo den awa ta mas ku un testimonio pùbliko di e kombersashon di un persona na Señor Hesus. Dor di e bautismo nos ta derá di e mesun forma ku Señor tabata, nifiká ku nos bida pa nos i pa mundu ta definitivamente morto. Ke men, derá pa e boutismo, ya no tin mas “ami” den piká; e piká no tin dominio mas riba nos, paso pa medio di e boutismo ya nos ta morto p’é.

 

P’esei, ora un persona aseptá Señor Hesus komo su ùuniko Salbador i ta batisá den awa pa inmershon, outomátikamente i sin fòrsa su boluntat e ta stòp di hasi aktonan pekaminoso. Pa mayó ku su “mal genio” por ta, pa e boutismo e ta bira e persona mas dushi i humilde riba e mundu akí. E personanan tambe ku no a logra laga e bisionan, despues di  a aseptá Señor komo su Salbador personal i a batisá, instantanea i espontaneamente nan ta bandoná nan.

 

E boutismo por nifiká tambe e akseso di un persona pa un manera di biba nobo, p’esei e ta wòrdu realisá den awa, paso e ta e elemento purifikadó pa naturalesa.

Ora e pueblo Hudiu a sali for di Egipto, sin pensa e mester a batisá den awa pa biba un bida nobo, i e boutismo akí tabata su paso den e laman Kòra. Noé tambe, den sierto forma a batisá pa medio di e awanan di e diluvio, pa establesé un generashon nobo riba tera.

 

Pa biba un bida nobo ta impresendibel ser batisá den awa pa inmershon.

 

Ora Felipe a yega e suidat di Samaria i a prediká e Evangelio di e Reino di Dios, den nòmber di Señor Hesus, e multitut ùnanimamente tabata batisá den awa, tantu hòmber komo muhé (Echonan 8:4-12).

 

Mensahe saká for di buki:  En Los Pasos de Jesús (outor: Obispo Edir Macedo)