E hardinero di nos alma

284
E hardinero di nos alma

Ora nos ta laga Dios ta e Hardinero, nos ta risibí Su maraviyoso kuidou ku nos.

Un hardin bunita semper tin un bon kuidadó. E hardinero mester ta un hende ku no ta floho, pues e tin ku enfrentá un trabou duru tur dia.

E mester ta detayista tambe, pa e por tin e kapasidat di opservá i duna kada planta, individualmente, loke e tin mester.

Algun di nan mester wòrdu rekòrtá, otronan mester di hopi solo, otronan solamente mester di sombra. Tin planta ku gusta di tiki awa, pero otronan di hopi awa…

Nos bida ta manera un hardin. Ora nos ta laga Dios ta e Hardinero di e hardin, sigur kada area lo risibí Su maraviyoso kuidou.

Rekortenan ta hasi doló, pero nan ta nesesario pa promové e kresimentu i e fruta. Ken ku keda sin su rekorte ta permanesé “bunita” pa un tempu, pero sin duna fruta, te ku e ta pèrdè su bunitesa.

E Hardinero di nos alma ta respeta, tambe, e estashonnan i e ta ahustá nos pa biba kada fase di nos bida. Ora wenter di sufrimentu yega, E tin e protekshon speshal.

Ah, ademas, Dios ta limpia nos di e matanan chiki, ku ta djis yerbanan malu ku ta krese rondó di nos. Si nos pèrmiti’é, Dios tambe ta kaba ku plaganan ku ta devastá plantashonnan kompletu.

En fin, nos no sa kon pa kuida nos mes, ta pese’i nos tin asina tantu nesesidat di e Hardinero, kual ta konosé nos mas mihó di loke nos konosé nos mes.

Pero, e elekshon semper ta di nos. Nos ta disidí si nos lo ta un hardin di frutanan bon òf di yerba i frakaso.